Impanuka ya Bus ya Jaguar yari iturutse mu Rwanda yahitanye abantu 3 abandi barakomereka

author
0 minutes, 26 seconds Read

Impanuka ya Bus ya Jaguar yari iturutse mu Rwanda yahitanye abantu 3 abandi barakomereka

Bus ya Jaguar, ifite pulaki UBF 736G Isuzu, yerekezaga muri Uganda iturutse mu Rwanda kuwa Gatandatu, itariki 12 Kanama, yakoze impanuka ihitana abantu batatu abandi umunani barakomereka. Ibi byabereye ku muhanda wa Kajumiro Maddu-Ssembabule mu Karere ka Gomba, nk’uko byatangajwe n’ibitangazamakuru bitandukanye byo muri Uganda.

Mu bapfuye harimo umushoferi wa bus uzwi nka David Asiimwe. Iyi mpanuka yabaye igihe bus ya Jaguar, ubwo yari mu muhanda Kajumiro Maddu-Ssembabule, byananiranaga kuyiyobora ikibirandura, bituma abantu bapfa abandi barakomereka. Ntiharamenyekana niba hari Abanyarwanda bahasize ubuzima.

Abayobozi bo muri Polisi ya Uganda bagaragaje ko abapfuye n’abakomeretse, bahise bajyanwa ku kigo nderabuzima cya Maddu III kugira ngo bitabweho.

Ku Cyumweru, umuvugizi wa polisi yo mu muhanda, Michael Kananura, mu magambo ye yagize ati: “Imirambo yajyanywe mu bitaro bya Gomba kugira ngo ikorerwe isuzuma nyuma y’urupfu, kandi imodoka yimuriwe kuri sitasiyo ya Polisi ya Kanoni kugira ngo isuzumwe byimazeyo”.

Kugeza ubu, icyateye impanuka ntikiramenyekana, hakomeje gukorwa iperereza kugira ngo hamenyekane impamvu yateye ibi byago.

MUBICUNEWS.COM (source bwiza.com)

Similar Posts

Leave a Reply

Your email address will not be published. Required fields are marked *