NESA:Umutekano w’ibizamini bya Leta urinzwe kuva muri Gicurasi.

author
0 minutes, 36 seconds Read

NESA:Umutekano w’ibizamini bya Leta urinzwe kuva muri Gicurasi.

Umuyobozi mukuru w’ikigo gishinzwe ibizamini bya Leta n’ubugenzuzi bw’amashuri (NESA),     Dr Bahati Bernard, aravuga ko umutekano w’ibizamini bya Leta biratangira muri uku kwezi kwa Nyakanga urinzwe mu buryo buhambaye kuva muri Gicurasi 2023.

Dr Bahati yasobanuye ko ibi bizamini byamaze gutegurwa, ikiri gukorwa ubu kikaba ari ugutubura kopi zabyo,     ibyo bigakorwa hari abantu bashinzwe kubirinda, batajya bahura n’abandi bo hanze, mu rwego rwo kwirinda ko byakoperwa.

Yagize ati: “Ibizamini bya Leta guhera bitegurwa kugeza bigiye mu icapiro biba bicungiwe umutekano ku buryo hari amahirwe make cyane umuntu yagereranya na hafi 0 kugira ngo bibe byajya hanze. Kuko iyo ibizamini bimaze gutegurwa n’abakozi ba NESA, bifite umutekano, bibavaho biva mu icapiro.”

Uyu muyobozi yakomeje asobanura, ati: “Biba ari ibizamini byinshi, hari abantu badufasha ako kazi kaba katoroshye, ni abantu bagiyeyo mu kwezi kwa Gatatu ariko ntabwo basohoka kugeza igihe ibizamini bizarangirira mu kwezi kwa Munani. Nta telefone baba bafite, haba hari inzego z’umutekano ziri kumwe na bo, ntabwo bagira aho bahurira n’abantu bari hanze, aho barara baba bari kumwe n’inzego z’umutekano.”

Hari amakuru amaze igihe avuga ko hari ababa babona ibi bizamini mbere y’uko bisohoka. Dr Bahati yavuze ko ari ibihuha, cyane ko ngo mu myaka ishize nta makuru ahari y’ibintu nk’ibi. N’ubwo ariko bimeze bitya,                     NESA  iba yarateguye ikindi kikizamini cyasimbura icya mbere mu gihe haboneka impamvu itunguranye.

 

Similar Posts

Leave a Reply

Your email address will not be published. Required fields are marked *