Umugore wa Pasiteri Théogène yatunguwe nuburyo mubari kumuha ubufasha harimo abakozi bo murugo n’abanyeshuri.

author
0 minutes, 36 seconds Read

Umugore wa Pasiteri Théogène yatunguwe nuburyo mubari kumuha ubufasha harimo abakozi bo murugo n’abanyeshuri.

Umugore wa Pasiteri Niyonshuti Théogène wari uzwi nka ’Pasiteri Inzahuke’, Uwanyana Asiya yatangaje ko nyuma y’urupfu rw’umugabo we, Abanyarwanda benshi bakomeje kumwoherereza ubufasha, ahishura ko muri bo hari n’abakozi bo mu rugo, hamwe n’abanyeshuri.

Ibi yabivugiye mu kiganiro yagiranye na Isimbi TV, cyibandaga ku gusobanura byinshi ku mpanuka umugabo we yagiriye i Kabale muri Uganda mu ijoro rya tariki ya 22 Kamena 2023 n’uko umuryango wabo ubayeho muri ibi bihe.

Uwanyana yagize ati: “Ubufasha bw’abantu ndi kububona, mumfashe mu mugongo, nabihaye agaciro ntashobora kubasobanurira. Kubona abana bakora mu rugo, bano bita ‘abakozi bo mu rugo’, ugasanga umwana, n’ukuntu bakunda me2u, akohereza ibiceri 150, ibiceri 200 n’uwohereje 500. Ndabashimiye, ndabashimiye! Abanyeshuri murabizi na bo ukuntu bakunda amarindazi, na bo bagiye banyoherereza ibiceri 800, agahumbi, barankomeza, baranyihanganisha cyane. Abapapa, abamama, ndabishimiiiye urukundo mwanyeretse.”

Uyu mubyeyi w’abana bane avuga ko Pasiteri Théogène yari afite inshingano ikomeye yo gutunga urugo rwabo rubamo n’abana yakuye ku muhanda, ko ariko ubufasha akomeje guhabwa bumuha icyizere cy’uko ikivi yasize azacyusa, na we agakomeza kubitaho.

Umurambo wa Pasiteri Théogène wamaze kugezwa mu Rwanda, ubu uruhukiye mu bitaro bya Kacyiru. Gahunda y’ikiriyo irakomeje mu rugo rwe ahitwa Kajevuba, uvuye mu Gatsata werekeza i Gicumbi.

Uwaba yifuza kumufasha, yakoresha uburyo bwa Mobile Money kuri nimero 0783413085 ibaruye mu mazina ye, ’Uwanyana Asiya’.

Similar Posts

Leave a Reply

Your email address will not be published. Required fields are marked *